ჰერიოს ბრენდინგი & იდენტობა

ჰერიო ქართული სტარტაპია, რომელიც აპლიკაციის მეშვეობით დროებითი და მოკლევადიანი სამუშაოების მაძიებელ ახალგაზრდებს, აკავშირებს სტუმარმასპინძლობასა და ტექ სფეროებში არსებულ ბიზნესებთან. 

ჩვენი აპლიკაცია სრულად მორგებულია ახალგაზრდებზე. როგორც სტუდენტებზე, რომლებიც ცდილობენ სწავლისა და მუშაობის დაბალანსებას, ასევე პროფესიონალებზე, რომლებსაც სურთ კარიერული წინსვლა.

მეორეს მხრივ, ჰერიო ეხმარება ბიზნესებს მარტივად იპოვონ დროებითი, სეზონური ან ფრილანს კადრები. ერთ სივრცეში შესაძლებელია - სამუშაოს სწრაფად დაპოსტვა, პირდაპირი კომუნიკაცია აპლიკანტებთან და მათი იქვე გადარჩევა, რაც იდეალურია მოქნილი სამუშაო საჭიროებების დასაკმაყოფილებლად.

ქართული დასაქმების ბაზარი საჭიროებს სიახლეებს, ამიტომ გადავწყვიტეთ შეგვექმნა აპლიკაცია, რომელიც იქნებოდა თანამედროვე რეალობაზე მორგებული. აპლიკაციის შექმნის პროცესში, განსაკუთრებული ყურადღება დავუთმეთ სიმარტივეს. ასე რომ, დამსაქმებლებსაც და სამუშაოს მაძიებლებსაც, ადვილად შეუძლიათ დარეგისტრირდნენ, შექმნან პროფილი და დაიწყონ სამუშაოების დაპოსტვა/აღება რამდენიმე კლიკით.

ჩვენ ვცდილობთ შევცვალოთ არსებული დასაქმების ბაზრის მიდგომები არა მხოლოდ საქართველოში არამედ მთელს რეგიონში. ვეცადეთ ეს ყველაფერი ჩვენს ბრენდინგშიც გადმოგცეტანა ვინაიდან გვჯერა, რომ ბრენდინგი მხოლოდ ფერები, ფონტი და ლოგო არ არის—ეს არის იდენტობა, ღირებულებები და ემოციები, რომელსაც ჩვენს მომხმარებლებში ვიწვევთ. ამიტომაც გადავწყვიტეთ შეგვექმნა ბრენდის იდენტობა, რომელიც ჩვენი გზამკვლევი იქნებოდა სტარტაპ მოგზაურობაში.

ლოგოს მნიშვნელობა

როგორც უკვე აღვნიშნეთ ჩვენი ლოგო უბრალოდ ვიზუალური ნიშანი არ არის; ის ჰერიოს არსსა და იდეას ასახავს. ინსპირაცია მოქნილი სამუშაოს დინამიკიდან წამოვიდა, რაც ჩვენი აპლიკაციის ამომავალი წერტილია.

ქვიშის საათი ბალანსისა და დროის ეფექტურობის სიმბოლოა -  ეს კი ზუსტად ასახავს იმ უპირატესობას რაც ჰერიოს მომხმარებლებს აქვთ, საკუთარი დროის მართვისა და მოქნილი სამუშაო გრაფიკის მეშვეობით.

• სიმარტივე და მრავალფეროვნება – ჩვენ შევქმენით ლოგო, რომელიც არის მინიმალისტური, მაგრამ ძლიერი, რათა სხვადასხვა პლატფორმაზე მარტივი ამოსაცნობი იყოს. 
• სანდოობა და ენერგია – გამოკვეთილი და სტრუქტურირებული ტიპოგრაფია სანდოობას ასახავს, ხოლო რბილი მრუდები—მოქნილობას.

ფერები და ტიპოგრაფია

იქიდან გამომდინარე, რომ ჩვენი აუდიტორია უფრო ახალგაზრდა და აქტიური საზოგადოების ნაწილია ვეცადეთ ფერები მაქსიმალურად რელევანტური ყოფილიყო.

ძირითადი ფერები: ჰერიოს იისფერი კრეატიულობისა და ინოვაციის სიმბოლო.
ჰერიოს ზურმუხტისფერი კი ზრდისა და მოქნილობის სიმბოლოა

დამხმარე ფერები: ყვითელი, ვარდისფერი და ღია ლურჯი ბრენდს დინამიკასა და უნიკალურობას მატებს.

ტიპოგრაფია: Graphik ფონტი - თანამედროვე, მრავალფუნქციურ სტილია, რომელიც ერთდროულად მკაფიო და ახალგაზრდულია.

უნიკალური სტიკერები

“სტიკერები” ჩვენი ბრენდის ერთ-ერთ ყველაზე გამორჩეული ნაწილია და ამასთანავე ეფექტური კომუნიკაციის მძლავრი საშუალებაა. ბრენდბუქი მოიცავს ინდივიდუალურად შექმნილ “სტიკერებს”, რომლებიც შეიძლება გამოყენებულ იქნას სხვადასხვა პლატფორმაზე. თითოეული მათთაგანი ჩვენი ბრენდის პიროვნების გაგრძელებაა და კიდევ უფრო ნათლად გადასცემს სათქმელს აუდიტორიას.

ბრენდბუკის შექმნა: გზა იდეიდან შესრულებამდე

ჰერიოს ბრენდის იდენტობაზე იმუშავეს ანა გვზავამ და ანა თოდიძემ. მათმა გამოცდილებამ და კრეატიულობამ შესაძლებლობა მოგვცა იდეები გარდაგვესახა რეალობად.

ანა გვაზავა: “ძლიერი ბრენდი თანმიმდევრულობაზეა აგებული. სწორედ ამიტომ გადავწყვიტეთ შეგვექმნა ბრენდბუქი, რომელიც უზრუნველყოფდა ჰერიოს იდენტობის ერთიანობას. ეს ყველაფერი კი შემდეგს მოიცავს:

• ლოგოს გამოყენების წესები: ლოგოს, ტიპოგრაფიისა და აიკონების სწორი ფორმატირება.
• ფერების კომბინაციები: მაღალი კონტრასტულობა და გამოკვეთილი დიზაინი.
• ტიპოგრაფიის სახელმძღვანელო: მკაფიო, პროფესიონალური და ახალგაზრდული სტილი.
• გამოსახულებები და სტიკერები: ბრენდის იდენტობის გაძლიერება ყველა პლატფორმაზე.”

“ბრენდბუქზე მუშაობისას ვეცადეთ გადმოგვეცა სტარტაპის იდეა და ის მიზნები რასაც ჰერიო ემსახურება. მაქსიმალურად გავითვალისწინეთ თანამედროვე ტრენდები და ამავდროულად შევქმენით ცოცხალი სტილი, რომელიც მორგებულია ჰერიოს აუდიტორიაზე” - ანა თოდიძე

და მაინც რატომ ჰერიო?

მიუხედავად ბერვი ფიქრისა და პოტენციური ვარიანტებისა, სახელის იდეა საკმაოდ სახალისოდ და სპონტანურად დაიბადა დამფუძნებლების რიგითი სატელეფონო საუბრისას.

ჰერიო, ქართულად შემოძახილია და საკმაოდ მარტივად დასამახსოვრებელია, როგორც ადგილობრივი ისე საერთაშორისო აუდიტორიისათვის. ასევე სიტყვა ჰერიო, თავის მხრივ მოიცავს ჰრ-ს, რაც სიმბოლურია და პირდაპირ კავშირშია დასაქმების ბაზართან.

ჰერიოს გუნდი, ახალგაზრდებისთვის, ქმნის ახლებური დასაქმების ბაზარს. რადგან, გვჯერა, რომ მოქნილობა არის ამ ინდუსტრიის მომავალი.
ასე რომ, თუ ხარ ბიზნესი, სტუდენტი, ახალგაზრდა პროფესიონალი ან ფრილანსერი რომელიც ეძებს შესაძლებლობებს - ჰერიო შენთვისაა. აპლიკაცია ხელმისაწვდომია, როგორც აიოეს (IOS), ასევე ანდროიდ (Android) მომხმარებლებისთვის.